Como nos vellos bos tempos, non hai tren que chegue á súa hora. Amañará a desfeita o novo goberno de Pedro Sánchez? Ana Luísa Bouza, Antón Losada, Marta Otero Mayán e Xosé Manuel Pereiro non soamente ignoran a resposta, senón que se confesan un tanto desnortados pola recomposición do gabinete, tanto pola distribución de competencias que se fixo como pola identidade dos encargados de levalas a bo termo. Quen xa sabe ao que se enfronta é Manuel Baltar, que vai ser xulgado no Tribunal Supremo por andar de fitipaldi pola autovía.