A illa de Chipre está nun punto estratéxico do Mediterráneo e isto facilitou que nela se asentasen múltiples pobos: armenios, venecianos, británicos… Hoxe, as dúas comunidades principais da illa, grecochipriotas e turcochipriotas, viven divididas desde hai case cinco décadas. Porén, a pesar do conflito sen resolver e o fracaso das negociacións pra reunificar a illa, existen accións e iniciativas pra reconciliar as dúas comunidades e dar solución a un problema xurdido en plena guerra fría. Falamos con dous representantes de Unite Cyprus Now, unha das organizacións a prol da reunificación.