Categoría: Medium
O día que pensamos que ardía todo
Un manto gris comezou a cubrir o ceo ese domingo dende primeira hora da mañá. Pequenos raios de luz incandescentes atravesaban as nubes de fume, que deixaban ao seu paso unha choiva incesante de cinzas. O ambiente era cada hora máis abafante, denso, a calor intensa. Un cheiro a queimado instalouse nos narices e nas gorxas.
Xosé Manuel Beiras: «Eu non quería ser líder»
Asegura que a traxedia da esquerda actual é a confrontación co inimigo equivocado. Aos seus 81 anos, Beiras (Compostela, 1936) dise «desencantado», algo inverosímil no catedrático de economía rebelde e indignado que segue sendo un dos principais referentes da esquerda e o nacionalismo galego.
Goethe e os golpes de peito
Contrariar unha vocación non parece aconsellable porque poida que a un lle vaia máis ou menos ben na vida, pero a longo prazo ese «querer ter sido» cóaseche nas costuras e rebéntache o colo da camisa, con perdón, á que te relaxes un pouco ou tomes dúas cañas, por exemplo.
México: Non disparen, somos periodistas!
Aos periodistas mexicanos mátanos non só polo que publican, tamén polo que non publican. Tamén os asasinan por facer preguntas, por difundir un nome prohibido, por sinalar os culpables nun crime, por denunciar a conivencia entre narcotráfico e goberno, por exhibir os cárteles da droga que controlan cidades ou estados, por investigar crimes da policía, o exército ou a mariña, por indagar asuntos de «Seguridade Nacional»…
Rohingya: o xenocidio do que o mundo non escoita falar
Na baía de Bengala o silencio ten conquistado as palabras. A Rohima dálle medo escoitar o silencio. Por iso pasa as noites debuxando un mar que se parece a este que esmorece diante da súa casa. Mais o mar de Rohima non cuspe corpos espumosos. O mar de Rohima trae caixas cheas de xarda e de atún. A Hussein e a Saddik gústalles o mar que debuxa súa nai. «Por iso imos subir a ese barco. Para chegar a Malaisia». Alí é onde Rohima pintou o seu mar. Mais o que Rohima aínda non sabe é que os rohingyas, os musulmás que viven na ditadura budista de Birmania, teñen prohibidos os soños.
O señor Dieu e a teoría dos mortos quilométricos
Coñecín o señor Dieu hai agora tres anos, nun outono que máis ben era verán na baía de Bengala. O señor Dieu, que non se apelidaba Dieu pero co que acordei que ese sería o seu nome para os lectores da nosa conversa, entraba e saía dos campos de Thay Chaung.
Baltasar Garzón: «Non habería que evitar a votación do 1-O»
Houbo unha época na que o nome de Baltasar Garzón (Torres, Xaén, 1955) era o máis comentado nos telexornais, na prensa, nas radios. Aínda hoxe ten lexións de fieis seguidores e unha trincheira desde a que dispara incendiarias cargas contra os inimigos da vida, a xustiza e o home.
-
Política e psiquedelia
Estamos asistindo a unha estruturación autocrática dos usos farmacolóxicos: terapia psiquedélica para os megarricos, benzodiacepinas para as deprimidas clases medias en vías de extinción e fentanilo para o exterminio dos pobres. Unha lexislatura enteira con Trump na Casa Branca pode dar moitas sorpresas.
-
De Negre ao curioso caso de «El Catón Compostelano»: os malabares da Xunta para untar medios afíns
Feijóo e Rueda entregaron en 16 anos máis de 50 millóns á prensa conservadora e de extrema dereita co mesmo sistema de axudas discrecionais e convenios a dedo que puxo en marcha Fraga.
-
As traballadoras de dez teles autonómicas únense contra a manipulación e as privatizacións
Os comités de Andalucía, Asturias, Castela A Mancha, Catalunya, Euskadi, Estremadura, Galicia, Illes Balears, Madrid e País Valencià non descartan un paro xeral contra a manipulación e as privatizacións.
