A Coruña.- As plataformas que se opoñen ao proxecto da multinacional portuguesa Altri para levantar unha macrofábrica de celulosa en Palas de Rei (Lugo) recadaron xa preto de 74.000 euros para sufagar os gastos xurídicos dos procedementos abertos e por abrir contra o proxecto.

O pasado 20 de abril, as asociacións veciñais e ecoloxistas puxeron en marcha un crowfunding na plataforma Goteo cuxa validación estaba suxeita á obtención dun mínimo de 70.000 euros nun período máximo de 40 días.

Nas dúas primeiras xornadas recadaron máis de 20.000 euros, e o pasado martes, a tres días de que finalice o prazo, eran xa 73.905 euros, co que as plataformas xa poden contar con que dispoñerán desa cantidade para pagar os custos legais e sufragar os informes periciais cos que pretenden desmontar nos tribunais as decisións da Xunta favorables a Altri.