Milleiros de persoas sobreviven aos combates, á escaseza e ao abandono por parte das autoridades no leste de Ucraína. É a terra de ninguén, a denominada zona gris que separa as partes en conflito. Morrer por fogo de artillaría mentres dormes na casa ou por un disparo mentres esperas nun control, pasar frío e fame de xeito sistemático, non ter a oportunidade de traballar e estudar, todo isto lles pasa aos habitantes do Donbass. Ignorados por todos, resisten nunha zona de guerra que xa non sae nas primeiras planas dos noticiarios.

Luzes 1
(Os cans poden cruzar sen problema. As persoas teñen que facer longas colas a ambos lados do corredor que separa Ucraína da RPD.)

2
(Dúas anciás cruzan andando o paso de Mayorsk, uns 4 km, a −10º C.)

3
(Un francotirador da RPD vixía as posicións ucraínas no paso de Mayorsk.)

4
(Unha muller percorre andando os preto de 4 km de zona gris que separan a zona ucraína da controlada polo exército da República Popular de Donetsk.)

5
(Alena, de 34 anos e natural de Donetsk, é unha nai solteira que chegou xa embarazada ao mosteiro de Svyatogorsk fuxindo dos combates de 2014.)

6
(Interior dunha casa no pobo de Zaitsevo, en zona gris. Boa parte da xente que queda vivindo aquí son anciáns e nenos, nunhas condicións durísimas.)

7
(Unha cativa achégase á ventá da casa onde vive sen poder saír dende hai un ano por medo aos bombardeos. A casa xa foi alcanzada dúas veces.)