Ao longo da historia houbo unha chea de microestados en Europa pero a maioría deles duraron ben pouco e xurdiron como consecuencia de guerras ou revolucións. Porén, existen casos de microestados que tiveron unha vida bastante longa. Centrámonos en Cospaia, Poljica, Sark e nun que é ben próximo a nós: o Couto Mixto, situado na raia seca, do que nos falou o noso convidado Serxio María Rodríguez, politólogo e investigador na área de historia política e veciño do Couto Mixto.