Bescansa xógase a última carta en Galicia

Este artigo tamén está dispoñible en: Castelán

Carolina Bescansa acaba de facer en Galicia unha xogada política arriscadísima. Se lle sae ben, gañou o dereito a unha nova vida en Podemos, pero se fracasa, pode ser o seu epílogo no partido que fundou. Seguramente, pensaría que é a súa última carta.

A politóloga compostelá foi unha figura clave na orixe e lanzamento da formación de Pablo Iglesias. De feito, foron ela, Iglesias e Monedero os que rexistraron o partido hai algo máis de 4 anos.

Aqueles profesores universitarios souberon canalizar o gran malestar dunha sociedade vapuleada pola crise e da noite para a mañá víronse con 6 millóns de votos e 70 deputados no Congreso.

Bescansa foi a imaxe icónica de Podemos co seu bebé no escano e os seus informes sociolóxicos e demoscópicos guiaban a estratexia da formación.

O éxito se atragoóuselles moi pronto e as tensións e divisións internas acabaron por provocar un gran desgaste nos materiais de Podemos. Bescansa foi unha das grandes perdedoras e foi cedendo terreo en cada episodio de tensión.

A xogada ten moito risco porque rápidamente Iglesias vingouse recordándolle que leva 20 anos fóra, o que demostra que o líder de Podemos non nos coñece porque os galegos sempre vivimos en Galicia, aínda que teñamos residencia noutro sitio

Distanciouse á vez de Iglesias e Errejón e intentou na última asemblea cidadá de Vista Alegre unha candidatura persoal condenada ao fracaso. Hai uns meses pasou directamente ao ostracismo ao filtrarse un plan para apoiar a Errejón en Madrid a cambio de botar logo a Iglesias. Vade retro. A súa vida política na sé central de Podemos chegara ao seu fin.

Como nos pasa a tantos galegos que vivimos lonxe; cando temos un mal día, poñémonos morriñentos e queremos volver canto antes. Así que Bescansa volveu a súa mirada cara á cidade onde a súa familia ten a histórica farmacia e a actual dirección galega de Podemos ofreceulle unha pista de aterraxe coa candidatura ao próximo Congreso nunha formación aínda mais dividida e enfrontada en Galicia que en Madrid.

A xogada ten moito risco porque rápidamente Iglesias vingouse recordándolle que leva 20 anos fóra, o que demostra que o líder de Podemos non nos coñece porque os galegos sempre vivimos en Galicia, aínda que teñamos residencia noutro sitio. Outros compárana con Manuel Valls e o recibimiento dos seus socios de En Marea foi como pouco, xélido.

Creo que á política galega e á adurmiñada oposición a Feijóo, a presenza de Bescansa viríalle moi ben; de feito, o mero anuncio da súa candidatura provocou un terremoto no oasis galaico, pero tamén debería deixar claro se a súa aposta vai en serio para facer política en Galicia ou se é só un movemento táctico de supervivencia persoal para non quedar fóra de xogo definitivamente no Xogo de Tronos permanente de Podemos.

Este artigo tamén está dispoñible en: Castelán

cool good eh love2 cute confused notgood numb disgusting fail