Este artigo tamén está dispoñible en: Castelán
Os sufridos votantes non só están cansos, fartos, hastiados e desanimados logo de 4 anos de bloqueo, liderados de cartón pedra e política de baixa estofa, senón que ademais agora van chegar ao 10 de novembro completamente mareados.
Os partidos políticos parecen metidos nunha carreira aloucada de bandazos e volantazos devorados polo pánico electoral.
O PSOE decidiu forzar as segundas eleccións convencido de que ía mellorar sensiblemente os seus resultados e ía poder culminar o soño de gobernar en solitario que arrastra desde o 28 de abril, e especialmente desde o 26 de maio.
Con todo, os socialistas non conseguiron convencer nin a todos os seus de que a culpa do bloqueo foi de Pablo Iglesias. Todo o mundo viu claro que non queren coalición de goberno pola esquerda polo que tiveron que cambiar por completo o guión da súa campaña.
Hai 6 meses, pediron o voto para gobernar pola esquerda e frear as tres dereitas e agora fan campaña cara ao centro para quedar con votos de Ciudadanos e todo o mundo fala dunha gran coalición co PP.
Os socialistas non conseguiron convencer nin a todos os seus. Todo o mundo viu claro que non queren coalición de goberno pola esquerda polo que tiveron que cambiar por completo o guión da súa campaña
Ademais, a saída de Errejón, celebrada nun primeiro momento con alborozo na Moncloa, tamén lles está a dar dores de cabeza.
A campaña non vai ben para o PSOE e as enquisas sitúano á baixa, nalgúns casos con menos deputados que o 28 de abril, o que sería todo un drama.
O PP tamén variou tamén completamente o seu guión. Casado deixou barba e rodeouse de marianistas como Ana Pastor para mostrar imaxe moderada e centrista.
A este paso, ao conferenciante do balneario da illa da Toxa vanlle a facer un monumento logo de telo repudiado. Rajoy tómao todo con filosofía e goza do seu retiro.
Casado pasou de chamarlle traidor e felón a Sánchez a ofrecerlle un acordo para gobernar gañe quen gañe. E isto en só seis meses. Pese a semellante requiebro, o PP é o único que sobe nos sondeos e pode ser o gran beneficiado do 10N.
Casado pasou de chamarlle traidor e felón a Sánchez a ofrecerlle un acordo para gobernar gañe quen gañe. E isto en só seis meses
Todo o contrario que Albert Rivera que salvo milagre pode estar vivindo a súa última campaña como líder de Ciudadanos. O desplome do partido laranxa é de tal magnitude nas enquisas que semella difícil de arranxar.
E non é de estrañar porque os seus votantes teñen que estar completamente exasperados. Hai seis meses votaron para botar a Sánchez e agora pídenlles que volvan facelo para gobernar con el.
Rivera conduce Ciudadanos a golpe de enquisas e cre que este último xiro volve darlles valor aos votos ao seu partido, pero témome que os seus electores xa non o aguantan todo. O seu último volantazo pode sacarlle definitivamente da pista.
Estupefactos están tamén os votantes do espazo que no seu día ocupou Podemos, dividido agora de forma fratricida entre os de Iglesias e os de Errejón. A batalla dos dous vai ser a cara de can e seguramente só poderá quedar un. A Coruña e Pontevedra serán dous dos escenarios desa guerra civil que será especialmente cruenta en Madrid.
En Galicia evitouse o disparate de seis candidaturas de esquerda. Haberá cuatro: PSOE, Galicia en Común, Máis País e BNG
En Galicia, polo menos a última hora, evitouse o disparate de seis candidaturas de esquerda. Haberá catro: PSOE, Galicia en Común, Máis País e BNG porque ao final Anova e os últimos de En Marea decidiron non presentarse. Veremos que pasa nas autonómicas do ano que vén para as que Feijóo leva moita vantaxe pero non ten garantida nin moito menos a maioría.
Este artigo tamén está dispoñible en: Castelán
